Кадрлар бўлими, мехнат мухофазаси, хавфсизлик техникаси ва ёнғин хавфсизлиги бўлими

Бўлим бошлиғи:

Мадумарова Махмуда Рустамовна

1976-йилда Фарғона вилояти Марғилон шаҳрида туғилган. Миллати-ўзбек. Маълумоти олий. 2016 йилда Фарғона давлат университетини тамомлаган.

Тел: +99895-404-62-25

E-mail: tabiiytolalar@gmail.com


Бўлим мақсад ва вазифалари:

Ходимлар бўлими институт таркибидаги ходимлар ҳисобини олиб боради, шунга тегишли хужжатларни расмийлаштириш ишларини бошқаради ва институт директорига бўйсунади. Меҳнат ҳақидаги қонунлар, низомлар, йўриқномалар ва институт директорининг буйруғи асосида ходимни ишга қабул қилиш, ишдан ишга ўтказиш, ишдан бўшатиш каби юмушларни расмийлаштиради. Ходимларнинг шахсий иш дафтарларини шакллантиради, меҳнат фаолияти билан боғлиқ бўлган ўзгартиришларни қайд этади.

Ўз иш фаолиятида Ўзбекистон Республикаси Меҳнат Кодекси, хукумат қонун, фармон, қарорлари, махаллий ўрган қонунчилиги доирасида иш юритади. Институт кенгашлари қарор ва буйруқларига бўйсунади.

Меҳнат ва кадрлар масалалари бўйича йиллик ва келажак режаларини ишлаб чиқишда қатнашади. Квалификация ва аттестация комиссияларига керакли хужжатларни тайёрлайди, ходимларни мукофотларга тавсия этади. Меҳнат дафтарчаларини тўлдиради, хисобини қилади, сақлайди. Мехнат стажларини хисоблайди, ходимга хозирги ва аввалги мехнат фаолияти хақида маълумотномалар беради. Ходимларнинг мехнат таътиллари хисобини юритади ва навбатдаги таътиллар жадваллари тузилишини назорат қилади. Институт ходимлари ва уларнинг оилаларига нафақалар белгилаш учун хужжатлар расмийлаштиради. Ходимлар қўнимсизлигини ўрганади ва уни камайтириш чораларини кўради.

Шахсий йиғма жилдлар архивини бошқаради ва муддати ўтган йиғма жилдларини давлат архивига топширади. Институт бўлимларида меҳнат интизоми устидан назорат ўрнатади ва институт ички тартиботларига ходимлар томонидан риоя қилинишини таъминлайди. Меҳнат интизоми ва жамоат тартиби бузилишининг хисобини олиб боради ва маъмурият томонидан ўз вақтида чора кўрилишини талаб қилади. Юқори ташкилотларга кадрлар билан ишлаш ҳақида ҳисоботлар ёзади.

Ходимлар бўлими ходимлар малакасини ошириш ҳамда илмий салоҳиятини (ўстиришга) кенгайтиришга масъулдир. Илмий кенгаш ва илмий техникавий кенгашда ходимларни малакасини ошириш ва қайта ўқитиш ишларини олиб боради. Илмий салоҳиятини оширмоқчи бўлган ходимларни мутахассислигига кўра ҳамда институт фаолияти талабидан келиб чиқиб ўқитиш курсларига жалб этади. Шу шарт биланки, ҳар бир олинган билим ва малака, орттирилган тажриба келгусида институт равнақига хизмат қилсин.

Собиқ ходимларнинг талабига кўра уларга меҳнат фаолиятлари тўғрисида архив маълумотларини беради. Бунда талаб қилувчи керакли сўралган маълумот ва хужжатларни тақдим этиши лозим.

Хавфсизлик техникаси ва меҳнат муҳофазаси бўлими институт бўлимларида хавфсизлик техникаси, меҳнат муҳофазаси, ишлаб чиқариш санитарияси ва ёнғинга қарши кураш бўйича амалдаги қонунлар, йўриқномалар, қоидаларга қатъий риоя қилинишини назорат қилади. Иш жойларида меҳнат шароитини ўрганади, шахсий ва умумий ҳимоя воситалари, ихота ва тўсиқларнинг янги конструксияларини ишлаб чиқаришга тадбиқ қилади.

«Ёнғин хавфсизлиги тўғрисида»ги Ўзбекистон Республикаси Қонуни, Вазирлар Маҳкамасининг қарори, “Мехнатни мухофаза қилиш туғрисида”ги Ўзбекистон Республикаси Қонуни ва бошқа бир қатор шу каби хукумат Қонун ва қарорларига амал қилган холда иш юритади.

Хавфсиз ва соғлом меҳнат шароити яратишда, дастгоҳларнинг техник холатини текширишда, хавфсиз ишлаш шароити талабларига мослигини аниқлашда қатнашади, зарур бўлганда хавфсизлик техникаси талабларига жавоб бермайдиган дастгоҳ ёки дастгоҳлар фаолиятини тўхтатиш чораларини кўради.

Шамоллатиш ва чангларни ҳайдаш тизимларини самарали ишлашини, химоя қурилмалари ва ихота мосламаларини пухталигини текшириб боради.

Институт хўжалигида фойдаланиладиган ўлчов асбобларини, жумладан, сув ўлчагич, газ ўлчагич, электр энергияси ўлчагичи созлиги ва вақтида хос ташкилотлар техник кўригидан ўтганлигини назорат қилади.

Буғ қозонлари ва газ балонларининг назорат асбоблари, жумракларини ўз вақтида синовдан ўтказиш, ишлаб чиқариш шовқинларини ўлчаш жадвалларига риоя қилинишини, ҳаво мухити, тебранишларни хисобга олиш, Давлат назорати кўрсатмаларини бажарилишини таъминлайди.
Институт бўлимлари учун хавфсизлик техникаси ва меҳнат муҳофазаси бўйича йўриқномалар ишлаб чиқади. Ишчи - хизматчилар томонидан бу йўриқномаларни ўрганилишига раҳбарлик қилади, уларни хавфсиз ишлашга ўргатиш дастурларини тузади.

Институт ходимлари орасида йўриқномаларни ташвиқот қилади. Касб-хунар коллежлари, лицейлар ва олий ўқув юртлари талабалари ишлаб-чиқариш амалиётларини ўтказаётган вақтларда, уларнинг меҳнат муҳофазаси ва хавфсизлик техникаси қоидалари бўйича билимларини синаб кўради ва йўл йўриқлар беради.

Институтда мавжуд ўт ўчириш бурчагидаги жамланмалардаги ҳар бир асбоб – анжомлар нақдлигини, бус – бутунлигини ва мақсадли ишлатилишини жорий этади ва назорат қилади.

Жамоа шартномаси тузилаётганда ишчилар саломатлиги ва меҳнат шароитларини яхшилаш хақида режалар тақдим этади.

Ишлаб-чиқаришда шикастланиш, касб касаллиги содир бўлганда уларнинг сабабларини аниқлайди, уларни олдини олишда ўтказилаётган тадбирларнинг таъсирчанлигини таҳлил қилади.

Институт ишчи-хизматчилари учун махсус кийимларга ва химоя воситаларига талабномалар кўндиради. Ишчиларга махсус кийимлар, шахсий ҳимоя воситаларининг ўз вақтида берилишини назорат қилади.

Ўзбекистон Республикаси Давлат статистика қўмитасига, махаллий хокимият бўлимларига ўз муддатида ва белгиланган шаклда ҳисоботлар тузади ва тақдим этади.

Ўзбек